بنگلورو: آکار پٹیل کے خلاف مقدمہ درج

ایف آئی آر کے مطابق 'پٹیل نے ٹویٹ کیا تھا کہ جارج فلائیڈ کی موت پر جس طرح سے متحد ہو کر امریکہ میں مظاہرے ہوئے، ویسے ہی مظاہرے بھارت میں پسماندہ طبقات کو کرنے کی ضرورت ہے۔'

ریاست کرناٹک کے دارالحکومت بنگلورو میں سابق صحافی اور انسانی حقوق کے کارکن آکار انیل پٹیل پر ہنگامہ آرائی کرنے کے ارادے سے سوشل میڈیا پر متنازعہ تبصرے پوسٹ کرنے کے الزامات کے تحت مقدمہ درج کیا گیا ہے۔

ایف آئی آر کے مطابق 'پٹیل نے ٹویٹ کیا تھا کہ جارج فلائیڈ کی موت پر جس طرح سے متحد ہو کر امریکہ میں مظاہرے ہوئے، ویسا ہی مظاہرہ بھارت میں پسماندہ طبقات کو کرنے کی ضرورت ہے۔'

جے سی نگر پولیس اسٹیشن میں تعزیرات ہند کی دفعہ 117، 153 (فسادات کے ارادے سے اشتعال انگیز بیان دینا) اور 505- 1 بی کے تحت ایف آئی آر درج کی گئی ہے۔

دو جون کو درج کی گئی ایف آئی آر کے مطابق 'پٹیل نے ٹویٹ کیا تھا کہ امریکہ میں جارج فلائیڈ کی موت پر جس طرح مظاہرے ہوئے، ویسا ہی مظاہرہ بھارت میں پسماندہ طبقات کو کرنے کی ضرورت ہے۔

اطلاع کے مطابق 'ایمنسٹی انٹرنیشنل انڈیا کے سابق چیف پٹیل نے 31 مئی کو اپنے ٹویٹر اکاؤنٹ سے پوسٹ کیا تھا۔'

واضح رہے کہ 25 مئی کو منیسوٹا کے شہر منیپولیس میں پولیس کی حراست میں فلائڈ کی موت ہوگئی تھی۔ جس کے بعد امریکہ کے مختلف شہروں میں پولیس کی بربریت اور نسل پرستی کے خلاف مظاہرے ہوئے۔ اس دوران ملک بھر میں تشدد کے واقعات پیش آئے۔