سابق وزیر اعظم ایچ ڈی دیو گوڑا اور ان کی اہلیہ کورونا سے متاثر

سابق وزیر اعظم ایچ ڈی دیو گوڑا اور ان کی اہلیہ چینما کورونا سے متاثر پائے گئے ہیں۔ اس کے بعد انہوں نے خود کو قرنطین کر لیا ہے۔

سابق وزیر اعظم و جے ڈی ایس رہنما ایچ ڈی دیو گوڑا کورونا مثبت ہونے کے بعد خود کو الگ تھلگ کر لیا ہے۔

اس بات کی جانکاری انہوں نے خود بدھ کے روز ٹویٹ کر کے دی ہے۔

ٹویٹ

انہوں نے ٹویٹ کرتے ہوئے لکھا ہے کہ، 'میری اہلیہ چینما اور میں کورونا مثبت پائے گئے ہیں۔ ہم دونوں اور خاندان کے دیگر افراد قرنطینہ میں چلے گئے ہیں۔ میں آپ سبھی سے اپیل کرتا ہوں کہ گذشتہ کچھ روز میں جو بھی ہمارے رابطے میں آئے ہیں وہ اپنا ٹسٹ کروالیں۔ میری پارٹی کارکنوں اور خیر خواہوں سے گزارش ہے کہ وہ گھبرائیں نہیں۔'

اس پر وزیر صحت ڈاکٹر کے سدھاکر نے ردعمل کا اظہار کرتے ہوئے ٹویٹ کیا ہے کہ میں ڈاکٹروں سے رابطہ میں ہوں اور میں ذاتی طور پر معلومات حاصل کر رہا ہوں۔ میری خواہش ہے کہ وہ جلد صحت یاب ہو جائیں۔