Eid al Adha Prayer times in Bidar بیدر کی مختلف مساجد اور عید گاہوں میں نماز عیدالاضحیٰ کے اوقات

کرناٹک کے بیدر شہر میں مختلف مساجد میں نماز عید الاضحی کا اہتمام کیا جا رہا ہے۔ ذمہ دارانِ مساجد نے نمازِ عید الاضحی کے اوقات کا اعلان کر دیا ہے۔

بیدر:کرناٹک کے بیدر شہر کی مختلف مساجد میں الگ الگ اوقات میں نماز عید الاضحیٰ ادا کی جائے گی۔ چندا شاہ صوفیہ کنج نشین مسجد کے متولی شاہ ابو انور کنج نشین نے ایک بیان جاری کرتے ہوئے بتایا کہ چندا شاہ صوفیہ کنج نشین مسجد میں عید الفطر کی نماز ٹھیک صبح 10:30 بجے ادا کی جائے گی۔ خطیب و امام چندا شاه صوفیه کنج نشین مسجد شاه معاذ کنج نشین نماز عید الفطر کی امامت فرمائیں گے اور خطبہ دیں گے۔

اسی طرح جامع مسجد بیدر میں 9:30 اور مکی مسجد شاہ گنج 8 بجے ، مسجد حضرت خواجہ ابوالفیض 6:30 بجے مسجد شاہ ابو الحسن قادری 6:30 جے کے پٹرول پمپ چدری روڈ، کے علاوہ شاہ حامد محی الدین قادری سکریٹری جمعیت اہلِ حدیث بیدر کی پریس نوٹ کے بموجب نمازِ عید الاضحی ٹھیک 6:30 بجے صبح رائیل فنکشن ہال لعل واڑی میں بروز جمعرات مطابق10/ذی الحجہ 29/جون کو ادا کی جائے گی۔ مولانا محمد مجیب الرحمن قاسمی حفظ اللہ نمازِ عید الاضحی کی امامت کریں گے اور خطبہ دیں گے۔ اس کے علاوہ مسجد چاند بولے شاہ اندرونی کمان روبرو سٹی سنٹر میں نماز عید الاضحی ٹھیک 6:30 بجے ادا کی جائے گی۔ مسجد سوداگران کی انتظامی کمیٹی کی اطلاع کے مطابق عیدالاضحیٰ کی نماز ٹھیک 8 بجے ادا کی جائے گی۔ اس کے علاوہ میلور عید گاہ میں نماز عید الاضحی 9 بجے ادا کی جائے گی۔

مساجد اور عید گاہ کمیٹیوں نے عامۃ المسلمین سے گزارش کی ہے کہ وقتِ مقررہ پر مساجد تشریف لے جائیں اور نماز دوگانہ ادا فرمائیں۔ مختلف مساجد میں خواتین کیلئے بھی علیحدہ انتظام کیا گیا ہے۔ بارش ہونے کی صورت میں مسجدِ عائشہ ؓ نزد قدیم سرکاری دواخانہ میں 6:15 بجے اور مسجد علیؓ نورخان تعلیم میں 6:30 بجے نماز دوگانہ ادا کی جائے گی۔ بارش کے موسمِ کے پیشِ نظر نمازیوں کے لیے اپنے ساتھ چادر وغیرہ ساتھ لے کر جانا بہتر ہوگا۔

وہیں جناب سید مبشر علی ابو سکریٹری عیدگاہ کمیٹی سنی بیدر کے ایک پریس نوٹ کی جانب سے شہریان بیدر کو یہ اطلاع دی ہے کہ ریاست کی ہلال کمیٹی کے اعلان کے مطابق نماز عید الاضحی 10 ذی الحجہ ۱۴۴۴ھ مطابق 2023-06-29 بروز جمعرات کو ادا کی جائے گی۔ اس سلسلے میں عیدالاضحی کی نماز عید گاہ سنی بیدر میں صبح ٹھیک 9:00 بجے ادا کی جائی گی۔انشا اللہ حضرت مولانا مفتی محمد عبد الجلیل قاسمی صاحب نماز پڑھائیں گے اور خطبہ دیں گے۔ اگر عید کے دن بارش ہوئی ہو تو اپنے محلے کی مساجد میں نماز ادا کریں۔

انہوں نے عوام سے گذارش کی ہے کہ مذکورہ اوقات کا لحاظ کرتے ہوئے عید کی نماز ادا کریں۔ انہوں نے مزید کہا کہ قربانی کے جانوروں کا گلیوں میں نمائش نہ کریں، گھروں کے باہر راستوں پر ذبح نہ کریں۔ جانوروں کی غلاظت سے کسی کو تکلیف نہ پہنچے جانوروں کو بازار میں خرید نے کے بعد بازار کی RMC فیس باندھ کر رسید جانوروں کے ساتھ لائیں۔ بیدر میونسپاٹی سے بھی فضلاء اُٹھانے کیلئے بڑائی اور ٹریکٹر کا انتظام رہے گا جس میں آپ غلاظت ڈال سکتے ہیں۔ اکثر ہم دیکھتے ہیں کہ قربانی کے جانور کے استعمال شدہ اعضاء کو نالیوں اور سڑکوں پر پھینکنے کی شکایت موصول ہوتی ہے اس طرح کا عمل سراسر غلط ہے محکمہ بلدیہ کی جانب سے قربانی کے دنوں میں غیر استعمال شدہ اعضاء کو لے جانے کا جو انتظام کیا گیا ہے اس گاڑیوں کا استعمال کرتے ہوئے اپنے اپنے علاقوں میں صفائی کا خاص خیال کرتے ہوئے محکمہ بلدیہ کی گاڑیوں میں قربانی کے جانور سے نکلنے والے غیر استعمال شدہ کو اعضاء کو ڈالیں۔