Educational Workshop for Women بیدر میں خواتین کے لیے تعلیمی اجلاس کا اہتمام

بیدر ضلع میں سماجی تنظیم کی جانب سے خواتین میں تعلیمی بیداری سے متعلق ایک اجلاس کا اہتمام کیا گیا۔ ضلع بیدر کے مختلف علاقوں سے بڑی تعداد میں خواتین نے اس اجلاس میں شرکت کی۔

بیدر: کہتے ہیں ایک مرد کا تعلیم یافتہ ہونا ایک فرد کا تعلیم یافتہ ہونا ہے جب کہ ایک عورت کا تعلیم یافتہ ہونا ایک خاندان کا تعلیم یافتہ ہونا ہے۔موجودہ دور میں عصری تعلیم حاصل کی بھاگ دوڑ میں دینی تعلیم حاصل کرنے کی سوچ فکر بھی دھیرے ختم ہوتی جارہی ہے۔ والدین اور سرپرست اپنے بچوں کو مختلف شعبوں میں اعلی تعلیم کے لئے دن رات محنت کر رہے ہیں۔ اپنی محنت کی پائی پائی جمع کرکے یہاں تک کہ قرض لے کر اپنے بچوں کو اعلیٰ تعلیم کے لئے ملک کے معیاری تعلیمی اداروں میں داخلے کروا رہے ہیں۔

تعلیم کا حاصل کرنا ہر مرد اور عورت پر فرض ہے۔ تعلیم سے انسان باشعور ہوتا ہے لیکن ایسی تعلیم کس کام کی جس کو حاصل کرنے کے لئے دینی علوم سے دوری اور فکرےاخرت سے محروم کر دے۔ والدین اور سرپرستوں کی یہ ذمہ داری ہے کہ جس فکر محنت لگن اور جستجو کے ساتھ اپنے بچوں کو عصری تعلیم دلوانے کے لیے دن رات ایک کر رہے ہیں ٹھیک اسی طرح ان گارجین کو چاہئے کہ اپنے بچوں کو عصری تعلیم کے ساتھ ساتھ دینی تعلیم پر بھی خاص توجہ دیں کیونکہ یہی ہماری آخرت میں نجات کا ذریعہ ہے۔

کرناٹک کے ضلع بیدر میں واقع مغل گارڈن میں جامعہ ذمہ دار علمائے کرام بیدر کی زیر سرپرستی میں خواتین کے لئے ایک اہم اجلاس کا اہتمام کیا گیا ہے ۔اس جلسہ کو حیدرآباد سے تعلق رکھنے والے مولانا مفتی ابوبکر جابر قاسمی اور مولانا مفتی احمد اللہ نثار قاسمی ناظم دارالعلوم رشیدیہ حیدرآباد کا خصوصی خطاب فرمائیں۔ مولانا عبدالغنی خان حسامی ناظم جامعہ زبیدہ للبنات بیدر، مفتی فہیم رشادی، مولانا مونث کرمانی، مولانا شاکر رشادی نے عالمات سے اپنے شوہر والد یا اپنی والدہ اور ساس کے ساتھ اس اجلاس میں شرکت کرنے پر شکریہ ادا کیا۔