مذکورہ ادارہ کے اطراف کل 32 دکانیں ہیں جو ادارہ کی ملکیت ہیں، حالانکہ ان دکانوں کا کرایہ صرف 600 روپیہ ماہانہ ہے لیکن دکانداروں نے برسوں سے ادائیگی نہیں کی جسکی وجہ سے ادارہ معاشی تنگی کا شکار ہو گیا ہے۔
معاشی بحران کے سبب اساتذہ کو مہینوں تک تنخواہیں نہیں مل سکی اور اور نہ ہی خستہ حال ادارہ کی مرمت ہو سکی.
اس دوران ادارہ کی انتظامیہ کمیٹی اور وقف بورڈ کے درمیان ایک میٹنگ منعقد کی گئی
مذکورہ میٹنگ میں ضلع وقف بورڈ کمیٹی کے چئیرمین سید شجاع الدین نے بتایا کہ آج ہم نے دکانداروں کو 20 دنوں کا وقت دیا ہے تاکہ جلد از جلد بقایا جات پورا کیا جا سکے۔
مدارس انتظامیہ نے کہا کہ وہ ماہ رمضان کے بعد بقایا جات نہ ادا کیے جانے پر مذکورہ دکانوں کے خلاف وقف بورڈ میں شکایت کرینگے.
