ریاست کرناٹک کے ضلع بیدر کے ہنڈریڈ زچہ بچہ ہسپتال کے نگران ڈاکٹر سہیل نے بیدراور اس کی خواتین مریضہ سے سرکاری دواخانوں سے استفادہ حاصل کرنے کی اپیل کی ہے تاکہ انہیں دوردراز جانے کی ضرورت نہ پڑے۔
سرکاری دواخانہ سے استفادہ کرنے کی اپیل انہوں نے کہا کہ ہمارے پاس الٹراساؤنڈ اسکیننگ، دوائیں اور تشخیص مفت ہیں۔ ہم مریضوں کو تمام ترسہولیات فراہم کرنے کی کوشش کرتے ہیں تاکہ انہیں کسی بھی قسم کی کوئی پریشانی ناہو۔ مریض بڑی امید کے ساتھ ہسپتال کے کسی بھی ڈاکٹر کے پاس جاتے ہیں۔ ڈاکٹرز ان کی امیدوں پر کھرا اترنے کی پوری کوشش کرتے ہیں۔
ڈاکٹر سہیل نے کہا کہ حاملہ خواتین کو نو ماہ تک تمام ترٹیسٹ اور دوائی مفت دی جاتی ہیں۔ ہسپتال کی جانب سے مدد کی جاسکتی ہے اسے کی جاتی ہے۔ مریضہ کو ہر طرح کے مشورے بھی دیے جاتے ہیں۔
یہ بھی پڑھیں:Masatid Pura Urdu School مستعد پورہ اردو اسکول کی حالت ناگفتہ بہ
انہوں نے کہا کہ اس کے علاوہ ہسپتال میں بچے کے تمام مسائل کا علاج بھی یہاں کیاجاتا ہے۔ ان کی اچھی طرح سے نگرانی بھی کی جاتی ہے۔ انہوں نے کہا کہ بہت سے بچے جو کھانا نہیں کھاتے یا پھر جسمانی طور پر کمزور ہوتے ہیں۔ ان جیسے بچوں کے لئے ہمارے یہاں خصوصی علاج ہے ۔جسمانی طور پر کمزور بچوں کو شریک کروا کر انہیں تندرست بنایا جاتا ہے ڈاکٹر سہیل نے کہا کہ حکومت کی جانب سے چلائے جا رہے اس سرکاری خواتین اور بچوں کے لئے خصوصی ہسپتال سے استفادہ حاصل کریں۔
