DK Shivakumar gets emotional کانگریس کے شاندار نتائج کو دیکھ کر ڈی کے شیو کمار آب دیدہ ہوگئے

نتائج کے درمیان کرناٹک کانگریس سربراہ ڈی کے شیوکمار جذباتی ہوگئے اور جیت کو مشترکہ کوششوں کا نتیجہ قرار دیا۔ DK Shivakumar gets emotional

بنگلور: کرناٹک اسمبلی انتخابات میں کانگریس کی جیت تقریباً یقینی ہے۔ رجحانات میں کانگریس کو واضح اکثریت ملتی دکھائی دے رہی ہے۔ پارٹی تقریباً 135 سے زیادہ سیٹوں پر آگے ہے۔ کانگریس کرناٹک کے صدر ڈی کے شیوکمار رجحانات میں کانگریس کی جیت کو دیکھ کر جذباتی ہو گئے۔ ڈی کے شیوکمار کی آنکھیں اشک بار ہوگئی۔

نتائج کے درمیان کرناٹک کانگریس کے سربراہ ڈی کے شیوکمار میڈیا کے سامنے آئے۔ انہوں نے کہا کہ یہ کانگریس کارکنان کی مشترکہ کوششوں کا نتیجہ ہے اور کرناٹک کی جیت ہے۔ انہوں نے کہاکہ وہ راہل گاندھی، سونیا گاندھی اور پرینکا گاندھی کو جیت کا یقین دلائے تھے۔ وہ بھول نہیں سکتے جب سونیا گاندھی جیل میں ان سے ملنے آئیں، انہوں نے عہدہ رکھنے کے بجائے جیل میں رہنے کا انتخاب کیا، پارٹی کو ان پر بھروسہ تھا۔ سدارامیا سمیت تمام کانگریس لیڈروں اور کارکنوں کا شکریہ۔

بتادیں کہ ڈی کے شیوکمار رام نگر ضلع کے کنکا پورہ حلقہ سے 57 ہزار ووٹوں کے فرق سے کامیاب ہوگئے ہیں۔ شیوکمار گنتی کے آغاز سے ہی آگے تھے۔ بی جے پی کے آر اشوک بڑے فرق سے ہار گئے، جب کہ جے ڈی (ایس) کے بی۔ ناگاراجو دوسرے نمبر پر رہے۔ نتائج کے درمیان کانگریس نے کل یعنی اتوار کو لیجسلیچر پارٹی کی میٹنگ بلائی ہے۔ راہل گاندھی بھی کچھ ہی دیر میں دہلی میں کانگریس کے دفتر پہنچ سکتے ہیں۔ کانگریس رہما جے رام رمیش نے ٹویٹ کیا کہ جیسے جیسے کرناٹک انتخابی نتائج حتمی شکل اختیار کررہی ہے، یہ تیزی سے واضح ہوتا جا رہا ہے کہ کانگریس جیت گئی ہے اور وزیر اعظم ہار گئے ہیں۔'