بیماری سے محفوظ رہنے کے لیے بیداری مہم

کرناٹک ڈائریکٹر آف ہیلتھ اینڈ فیملی ویلفیئر سروس کی جانب سے بچوں کو وقت پر ٹیکا لگانے کے لیے ڈرامہ کے ذریعے بیداری مہم کا انعقاد کیا گیا۔

ریاست کر ناٹک گلبرگہ شہر میں یہاں ٹاؤن ہال میں کرناٹک ڈائریکٹر آف ہیلتھ اینڈ فیملی ویلفیئر سروس کے جانب سے بچوں کو ہر ماہ لگایا جانے والے ٹیکا لگانے کے لیے اسٹیج ڈرامہ پیش کیا گیا۔

اس موقع پرمحکمہ ضلع ڈائریکٹر آف ہیلتھ اینڈ فیملی ویلفیئر کے آفیسر ایس پاٹل نے کہا کہ حکومت کی جانب سے پچوں کو بیماریوں سے محفوظ رکھنے کے لیے ہر ماہ ٹیکا لایا جاتا ہے۔

انھوں نے مزید کہا کہ اس کے لیے والدین وقت پر اپنے قریب کے آنگن واڑی یا سرکاری ہسپتال پہنچ کر ٹیکا لگائیں، اس سے بچے محتلف بیماریوں کے شکار نہیں ہوں گے۔

انھوں نے کہا کہ حاملہ خاتون سرکاری ہسپتالوں سے فائدہ اٹھائیں، حاملہ خواتین سرکاری سہولیات کا استفادہ اٹھانے کے لئے اپنے اپنے علاقوں کے آنگن واڑی اور آشاورکر سے ملاقات کرکے حکومت سے ملنے والی سہولتوں کا پورا فائدہ اٹھائیں۔

اس کے لیے گلبرگہ ضلع کے ہر دیہاتوں میں بچوں کو ٹیکہ لگانے کے بیدار مہم چلائی جارہی ہے۔