'صحافیوں کو امداد فراہم کرنے کا مطالبہ'

جنتادل سیکولر پارٹی کے ضلعی سیکریٹری عبدالقیوم انعامدار نے ریاستی حکومت سے مطالبہ کرتے ہوئے کہا کہ 'لاک ڈاؤن کے دوران صحافیوں کا خیال رکھتے ہوئے فوری طور پر ان کے لیے مناسب امداد کا اعلان کیا جانا چاہیے”۔

ریاست کرناٹک کے جنتادل سیکولر پارٹی کے ضلعی سیکریٹڑی عبدالقیوم نے صحافیوں کو امداد جاری کرنے کا مطالبہ کیا ہے۔ انہوں نے کہا کہ 'صحافی کا کسی بھی زبان سے تعلق کیوں نہ ہو وہ اپنی صحت کی پرواہ کیے بغیر سماج کی خدمت انجام دیتے ہیں۔ مشکل حالات میں بھی انہیں کام کرنا پڑتا ہے لہذا ان کا خیال رکھنا حکومت کی ذمہ داری ہے'۔

انہوں نے کہا کہ 'لاک ڈاؤن کے چلتے صحافیوں کو بھی کی بہت سے پریشانیوں کا سامنا کرنا پڑ رہا ہے۔ اسی لیے حکومت کو چاہیے کہ وہ ہر صحافی کو خصوصی امداد فراہم کرے۔

انہوں نے مزید کہا کہ 'کرناٹک کے وزیراعلی نے صحافیوں کے لیے خصوصی کووڈ۔ 19 کیمپ منعقد کرنے کی جو ہدایت دی ہے وہ بہتر اقدام ہے۔

عبدالقیوم نے غیر سیاسی تنظیموں کے ذمہ داران سے بھی اپیل کرتے ہوئے کہا کہ 'صحافی سماج میں سدھار لانے کا کام کرتا ہے سماج کا آئینہ ہوتا ہے اسی لیے ہر زبان کے صحافیوں کو اپنی طرف سے امداد پہنچائی جائے۔