گلبرگہ: گستاخ رسول کو سخت سزا دینے کا مطالبہ

ریاست کرناٹک کے گلبرگہ شہر میں گستاخ رسول کے خلاف کمشنر آفیس کے سامنے تعمیر ملت کی جانب سے احتجاج کیا گیا۔

اس موقع پر تعمیر ملت کے ضلع صدر عبدالجبار گولہ نے کہا کہ ملک میں آئے دن مسلمانوں کے مذہبی جذبات کو ٹھیس پہنچانے کے واقعات پیش آرہے ہیں۔ 11 اگست کو بنگلور ڈی جے ہلی میں ہوئے فساد کے ذمہ دار پی نو ین ہی ہے۔

جس نے فیس بک پر شاہ رسالت میں گستاخی کر کے مسلمانوں کے جذبات کو مجروح کیا۔ اسی فرد کی وجہ سے بنگلور ڈی جے ہلی میں فساد ہوا ہے۔

جس کے سبب بے قصور نوجوانوں کو پولیس گرفتار کر رہی ہے۔ اس لیے پی نوین کو سخت سے سخت سزا دینے اور ڈی جے ہلی میں گرفتار کیے گیے بے قصور نوجوانوں کو رہا کر نے کا مطالبہ کرتے ہوئے وزیر اعلیٰ کو میمورنڈم پیش کیا گیا۔