ریاست کر ناٹک کے گلبرگہ شہر میں ویمن انڈیا مومنٹ تنظیم گلبرگہ کی جانب سے آج احتجاج کیا گیا جس میں 25 جون سے شروع ہورہے ریاست میں دسویں جماعت کے امتحانات کو منسوخ کر نے کا مطالبہ کیا گیا.
دسویں جماعت کے امتحانات منسوخ کرنے کا مطالبہ۔ ویڈیو اس موقع پر ویمن انڈیا مومنٹ گلبرگہ کی صدر ریحانہ بیگم نے کہا کہ 'کرناٹک میں دن بدن کورونا وائرس کے متاثرین میں مزید اضافہ ہوتا جا رہا ہے. ایسے حالات میں دسویں جماعت کے امتحانات لینا طلبہ کے لئے بڑا خطرہ ثابت ہو سکتا ہے.
انہوں نے کہا کہ 'گزشتہ دنوں تلنگانہ حکومت نے دسویں کے امتحانات منسوخ کرنے کے احکامات جاری کرتے ہوئے طلبہ کو گیارہویں جماعت میں داخلہ لینے کا موقعہ فراہم کیا ہے. کرناٹک حکومت بھی اسی طرح امتحانات کو منسوخ کر کے بغیر امتحان کے طلبہ کو گیارہویں جماعت میں داخلہ لینے کا موقع فراہم کرے .
انہوں نے کہا کہ 'پچھلے دنوں ہو ئے بارہوی جماعت کے امتحانات کی وجہ سے کئ طلبہ کورونا سے متاثر ہو چکے ہیں. جنہیں کورنٹائن کیا گیا ہے. ایسے حالات میں دسویں جماعت کے امتحانات منعقد کرنا بڑا خطرہ ہو سکتا ہے۔
