آن لائن کلاسز کے فیصلے کو واپس لینے کا مطالبہ

ٹیپوسلطان یوتھ کمیٹی کی جانب سے آن لائن کلاسز کو ملتوی کرنے کا مطالبہ کیا جا رہا ہے۔

ٹیپوسلطان یوتھ کمیٹی کے ریاستی صدر ارشد دکنی نے کہا کہ آج ہم نے ڈپٹی کمشنر یادگیر کو ایک میورنڈم پیش کیا ہے۔

اس میں وزیراعلی کرناٹکا اور وزیر تعلیم کرناٹک سے اپیل کی گئی ہے کہ ریاست میں جو آن لائن کلاسسز شروع کی گئی ہے اس کو واپس لیا جائے۔

انھوں نے اپنے میمورنڈم میں لکھا ہے کہ ریاست میں کئی لوگ ایسے ہیں جن کے پاس موبائل اور ٹی وی نہیں ہے۔

کئی خاندان اپنے بچوں کو تعلیم دلانے کا خواب ضرور رکھتے ہیں مگر ان کے پاس میں یہ دو سہولتیں نہ ہونے کی وجہ سے وہ اپنے بچوں کو تعلیم سے دور رکھنے پر مجبور ہیں۔

اگر کسی کے پاس ٹی وی اور موبائل کی سہولت ہے بھی تو نیٹ ورک کا مسئلہ ہوتا ہے۔

شہروں کو چھوڑ کر تعلقہ جات اور اس کے دیہاتوں میں نیٹ ورک کا بڑا مسئلہ رہتا ہے۔

دیہاتوں میں کسی بھی کمپنی کا کیوں نہ ہو نیٹ ورک ہمیشہ ہی کمزور رہتا ہے۔

اس کی وجہ سے بچے تعلیم حاصل کرنے سے محروم ہوجاتے ہیں۔

اس لیے ہم ریاستی حکومت سے اپیل کرتے ہیں کہ وہ آن لائن تعلیم کے فیصلے کو واپس لے لے۔