'بے قصور ثابت ہونے پر معاوضہ دیا جائے گا'

کرناٹک کے وزیر اعلی بی ایس یدی یورپا نے سی اے اے مخالف مظاہرے کے دوران ہلاک ہونے والے ان دونوں متاثرین کو ابتداً معاوجہ کیا تھا۔

ریاست کرناٹک کے وزیر اعلی یدی یورپا پولیس فائرنگ میں ہلاک ہونے والے افراد کے اہلخانہ کو معاوضع دینے کے اعلان کو یہ کہتے ہوئے واپس لے لیا ہے کہ بے قصور ثابت ہونے پر ہلاک شدگان کے اہلخانہ کو معاوضہ دیا جائے گا۔

کرناٹک کے وزیر اعلی نے منگلور میں پولیس کی فائرنگ کے دو ہلاک شدگان کو 10-10 لاکھ روپے کے معاوضہ دینے کے اپنے حکم کو پلٹ دیا۔

یدی یورپا نے پریس کانفرنس سے خطاب کرتے ہوئے کہا کہ 19 دسمبر کو منگلور میں ہونے والے تشدد میں پولیس کی گولی لگنے سے دو ہلاک شدگان کے اہل خانہ کو معاوضہ نہ دینے کا فیصلہ کیا ہے، کیونکہ دونوں مہلوکین مجرمانہ الزامات کا سامنا کر ر ہے تھے اور ایسے لوگوں کو معاوضہ دیئے جانے کی کوئی روایت نہیں ہے۔

انہوں نے کہا معاوضہ کی ادائیگی کا فیصلہ ریاستی حکومت کی طرف سے سی آئی ڈی اور مجسٹریٹ تحقیقات کے مکمل ہونے کے بعد ہی لیا جائے گا۔

انہوں نے کہا کہ وہ لوگ جو مجرمانہ الزام کا سامنا کر رہے ہو، انہیں معاوضہ دینے کا التزام نہیں ہے۔

اس سے پہلے یدی یورپا نے سینئر پولیس افسران کے ساتھ ملاقات کر کے شہر کے موجودہ حالات کی معلومات حاصل کی۔
میٹنگ میں ریاست کے وزیر داخلہ بسوراج بومئی بھی موجود تھے۔