ریاست کرناٹک کے گلبرگہ میں سابق مرکزی وزیر ملیکا ارجن کھر گے کو قتل کر نے کی دھمکیوں کے خلاف گلبرگہ ضلع کانگرس پارٹی کے جانب سے صدر جمہو ریہ کو میمورنڈم پیش کیا گیا۔
اس موقع پر گلبرگہ ضلع کانگرس پارٹی کے صدر جگ دیو گتہ دار نے کہا کہ رکن راجیہ سبھا و سابق مرکزی وزیر ملیکا رجن کھر گے کو قتل کر نے کی چند سماج دشمن عناصر کی جانب سے جو دھمکیاں دی گئی ہیں، ان کے خلاف ضلع کانگرس کمیٹی کے قائدین نے مل کر ڈپٹی کمشنر گلبرگہ کے ذریعے صدر جمہوریہ کو ایک احتجاجی یاداشت روانہ کیا گیا ہے۔
انہوں نے کہا کہ ملیکا رجن کھر گے جنہوں نے ہمیشہ کمزور پسماندہ طبقات، غریبوں، دلتوں اور بے سہارا لوگوں کے علاوہ ملک کے کسانوں کا ساتھ دیتے ہوئے وزیراعظم نریندر مودی سے مطالبہ کیا ہے کہ زرعی ترمیمی کے نفاد کو روکا جائے کیوں کہ یہ قوانین کسان برادری کے مفادات کے خلاف ہیں، تو اس پر چند سماج دشمن عناصر انہیں انٹرنیٹ کے ذریعے دھمکیاں دے رہے ہیں کہ انہیں قتل کر دیا جائے گا۔
یہ بھی پڑھیں:سپریم کورٹ کا وہاٹس ایپ، فیس بک اور مرکزی حکومت کو نوٹس
کانگریس قائدین نے صدر جمہوریہ اور مرکزی حکومت سے مطالبہ کیا ہے کہ ایسے سماج دشمن عناصر، جو کھر گے کو جان سے مارنے کی دھمکیاں دے رہے ہیں، انہیں فوری طور پر گرفتار کر کے ان کے خلاف قانونی کاروائی کی جائے۔
