کرناٹک کسان سنگھ کا ڈپٹی کمشنر کو میمورنڈم

کرناٹک کے ضلع یادگیر میں کپاس خریداری کا ایک ہی مرکز ہونے کی وجہ سے کسانوں کو کافی مشکلات پیش آرہی ہیں۔

یادگیر کے کپاس خریدی مرکز پر روزانہ صرف 30 کسانوں کا مال ہی لیا جارہا ہے جبکہ 4500 کسانوں نے اپنا مال بیچنے کے لیے درخواستیں دی ہیں۔

اس مسئلہ پر کرناٹک کسان سنگھ نے ڈپٹی کمشنر یادگیر کو ایک میمورنڈم پیش کیا ہے جس میں کہا گیا ہے کہ ضلع میں صرف ایک ہی کپاس خریدی کا مرکز ہونے کی وجہ سے ہزاروں کسان کو اپنا مال بیچنے کےلیے کئی دنوں کا انتظار کرنا پڑ رہا ہے اسی لیے ضلع یادگیر میں کپاس خریدی کے مزید دو سنٹرز قائم کرنے کا مطالبہ کیا گیا۔

کرناٹک کسان سنگ کے ریاستی نائب صدر لکشمی کانت پاٹل نے کہا کہ آئندہ مہینہ سے بارش کا موسم شروع ہوجائے گا، اگر وقت پر کپاس کی فروخت نہیں کی گئی تو بارش کے پانی کی وجہ سے فصل خراب ہوجائے گی جس سے کسانوںکو کافی نقصان اٹھانا پڑسکتا ہے۔ اس موقع پر کرناٹک کسان سنگ کے دیگر ذمہ داران بھی موجود تھے۔