کورونا واریئرز کی حوصلہ افزائی کے لیے اجلاس

گلبرگہ میں کورونا بحران کے دوران نمایاں کردار ادا کرنے والے مختلف تنظیموں کے ذمہ داران کی حوصلہ افزائی کے لیے تہنتی اجلاس منعقد کیا گیا۔

ریاست کرناٹک کے گلبرگہ شہر میں کورونا وائرس کی دوسری لہر اور لاک ڈاؤن کے دوران اپنی خدمات انجام دینے والے سماجی تنظموں کے ذمہ داران کے اعزاز میں زی نین گروپ گلبرگہ کی جانب سے شاداب فنکشن ہال میں تہنتی اجلاس منعقد کیاگیا۔

اس موقع پر تنظیم کے صدر جاوید این آر آئی نے کہا کہ گلبرگہ میں کورونا وائرس کی دوسری لہر کے دوران کورونا مریضوں کے لئے گلبرگہ این جی او فیڈریشن کے بینر تلے 22 مختلف تنطمیں نے مل کر الگ الگ گروپ میں اپنی خدمات انجام دیے ہیں جس میں ایک گروپ آکسیجن کا، دوسرا گروپ بیڈز، تیسرا ایمبولنس، چوتھا کھانا پہچانے کا اور پانچواں تدفین کا کام انجام دینے کے لیے بنایا گیا تھا۔ سبھی گروپوں نے اپنا کام بخوبی انجام دیا ہے جو قابل تعریف ہے۔

انہوں نے بتایا کہ آج سبھی کورونا واریئرز کی خدمات کی ستائش کر تے ہوئے زی نین نے سبھی خدمات گزار تنظموں کے لئے تہنتی اجلاس منعقد کیا ہے۔ زی نین ایک سماجی خدمت گزار تنظیم ہے۔

انہوں نے کہا کہ اس تنظیم کا اہم مقصد بھی عوام کے لئے خدمت انجام دینا ہے۔ زی نین نے بھی کورونا بحران کے دوران مریضوں کے لئے آکسیجن کا اہتمام کیا ہے اور کئی غریب مزدور افراد کے لئے راشن کیٹ تقسیم کیا ہے۔ اسی طرح کی اور بھی تنظموں کو ایک دوسرے کی مداد کے لئے آگئے آنے کی ضرورت ہے۔