Barrister Talha Hashmi on Hijab: 'حجاب معاملے میں حکومت اور عدالت کے فیصلے میں تضاد'

کرناٹک کے ضلع بیدر کے نوجوان بیرسٹر سید طلحہ ہاشمی نے ریاست کرناٹک میں چل رہے حجاب معاملے پر ای ٹی وی بھارت سے خصوصی بات کی۔ Barrister Talha hashmi on Hijab

حجاب معاملے کو قانونی نقطہ نظر سے بتاتے ہوئے کہا کہ کرناٹک میں گزشتہ دو مہینوں سے حجاب معاملے کو لے کر عوام میں کافی بے چینی پائی جا رہی ہے۔ طلباء کا حجاب پہن کر کالج اور اسکول میں جانا، اسکول اور کالج انتظامی کمیٹی کی جانب سے حجاب کے ساتھ اسکول کالج میں داخل ہونے سے منع کرنا، حجاب کو لے کر ریاستی حکومت کے احکامات اور ہائیکورٹ کا حجاب معاملے پر فیصلہ، ان تمام معاملات کے بیچ کہیں نہ کہیں لڑکیوں کی تعلیم متاثر ہو رہی ہے۔

انہوں نے کہا کہ دفعہ 25 کے تحت ہر انسان کو آزادی ہے کہ وہ اپنے اختیارات کا استعمال کرتے ہوئے اپنی طرز زندگی گزار سکتا ہے۔انہوں نے کہا کہ حجاب شریعت کا ایک حصہ ہے اور قرآن میں پردہ کرنے کا حکم دیا گیا ہے۔حجاب، پلو، گھونگھٹ یہ کسی بھی دھرم کی عورت کا بناؤ سنگھار ہے اور وہ ان کا اختیار ہے۔

حجاب معاملے میں حکومت اور عدالت کے فیصلے میں تضاد'