گلبرگہ:ریاست کرناٹک کے ضلع گلبرگہ میں واقع سید اکبر حسینی پی یو کالج کے زیر اہتمام شعری نشست کا اہتمام کیا گیا جس میں کئی مشہور شعرا کرام نے شرکت کی۔ نور الدین نور نے شعری نشست کی صدارت انجام دی. پروفیسر عبدالحمید اکبر صدر خواجہ بندہ نواز یونیورسٹی گلبرگہ اور مہمان اعزازی منظور وقار اور پیرزادہ فہیم الدین صدر انجمن ترقی شاخ گلبرگہ محترمہ قدسیہ پروین پرنسپل سید اکبر حسینی پیو کالج شریک رہے۔ اس موقع پر پروفیسر عبدالحمید اکبر صدر شعبہ اردو خواجہ بندہ نواز یونیورسٹی نے کہا کہ جو بات ہم پوری کتاب پڑھ کر بول نہیں سکتے۔ اس خیال کو شاعر صرف ایک شعر میں اپنی بات پیش کرتا ہے۔
انہوں نے کہا کہ کہتے ہیں کہ دنیا میں سب سے حساس اگر کوئی ہے تو وہ شاعر ہے۔ دنیا میں جہاں کہیں کوئی واقعہ پیش آئے تو اس کو شاعر اپنی شعری احساسات و صلاحیتوں کے ساتھ بآسانی پیش کرتا ہے۔ پیرزادہ فہیم صدر انجمن ترقی اردو نے کہا کہ نئی نسل کو اردو ادب سے جوڑنا وقت کی اہم ترین ضرورت ہے۔ انہوں نے کالج انتظامیہ کو مبارکباد دیتے ہوئے کہا کہ شہر کے ہر کالج میں اس طرح کے دبی وہ ثقافتی پروگرام منعقد ہونا چاہیے تاکہ نئی نسل کو اردو زبان و ادب شعر وہ شاعری سے واقفیت ہو سکے۔