راجیو گاندھی اور دیوراج ارس کو خراج

ریاست کرناٹک کے یادگیر میں کانگریس پارٹی کی جانب سے سابق وزیراعظم راجیو گاندھی کی 75 ویں اور سابق وزیراعلیٰ دیوراج ارس کی 104 ویں یوم پیدائش تقریب کا انعقاد عمل میں لایا گیا۔

کانگریس دفتر میں سادگی کے ساتھ منعقد ہونے والی تقریب میں راجیو گاندھی اور پچھڑے ہوئے طبقات کی ترقی کے علمبردار دیوراج ارس کو خراج عقیدت پیش کیا گیا۔

کانگریس کے سینئر رہنما چنا ریڈی نے ای ٹی وی بھارت سے بات کرتے ہوئے بتایا کہ کرناٹک میں سیلاب کی صورتحال کے پیش نظر تقریب کو سادگی سے منانے کا فیصلہ کیا گیا۔تقریب میں سابق وزیراعظم راجیو گاندھی کی خدمات پر روشنی ڈالی گئی اور پنچایت نظام کو شروع کرنے اور ٹکنالوجی میں ان کی کاوشوں کو سراہا گیا۔کانگریس کے سینئر رہنما سرینواس ریڈی نے راجیو گاندھی اور دیوراج ارس جیسے قائدین کے نقش قدم پر چلنے کا نوجوانوں کو مشورہ دیا۔