یادگیر ضلع انتظامیہ نے ویکینڈ لاک ڈاؤن کو برقرار رکھتے ہوئے 11 جون سے 14 جون تک مکمل لاک ڈاؤن نافذ کرنے کا اعلان کیا ہے۔
جس میں صرف دواخانہ، میڈیکل اسٹور، پیٹرول پمپ اور دودھ کی سروس کو کھلا رکھنے کی اجازت دی گئی ہے اس کے علاوہ اشیائے ضروریہ کی دیگر دکانوں کو بند کرنے کے لیے کہا گیا ہے۔
یوں تو یادگیر میں کورونا کے نئے معاملات میں کمی آئی ہے لیکن ریاستی حکومت کے ویکینڈ لاک ڈاؤن کو جاری رکھنے کی ہدایت کو دیکھتے ہوئے ضلع انتظامیہ نے 11 جون سے 14 جون تک مکمل لاک ڈاؤن کا اعلان کیا ہے۔
واضح رہے کہ ضلع یادگیر میں اب تک 27 ہزار 215 افراد کورونا سے متاثر پائے گئے جن میں سے 26 ہزار 372 افراد صحت یاب ہوچکے ہیں۔ محکمہ صحت کے مطابق ضلع میں اب بھی 639 کیسز ایکٹیو ہیں۔