کورونا وائرس کے پیش نظر یادگیر میں دوبارہ لاک ڈاؤن

کورونا وائرس کے معاملات کو دیکھتے ہوئے ملک کے مختلف حصوں میں دوبارہ لاک ڈاؤن نافذ کیا جا رہا ہے۔

ریاست کرناٹک کے ضلع یادگیر میں کورونا وائرس کے واقعات میں اضافے کے پیش نظر اس کی روک تھام کے لیے مختلف رعایتوں کے ساتھ لاک ڈاؤن نافذ کیا گیا ہے۔

لاک ڈاؤن کے دوران ضروری اشیا کی دکانیں مثلاً گروسری اسٹور، دودھ ڈیری، میڈیکل اسٹور، سبزی کی دکان وغیرہ کھلی رکھی گئی ہیں۔

باقی تمام اقسام کے کاروبار بند ہیں۔

محکمہ بلدیہ کی جانب سے کورونا وائرس سے بچنے کے لئے احتیاطی اقدامات پر عمل کرنے کی اپیل کی گئی ہے۔