Kaveri Water Dispute کاویری پانی کے تامل ناڈو کو سپلائی نہ کئے جانے کا حل میکے داٹو اسکیم ہے: سدرامیہ

حکومت کرناٹک کی جانب سے تامل ناڈو کو کاویری ندی کے پانی کے سپلائی سے اپوزیشن بی جے پی سخت برہم ہے اور منڈیہ ضلع میں کسان اس کی مخالفت میں احتجاج کر رہے ہیں.

بنگلورو:ریاست کرناٹک کے دارالحکومت میں بی جے پی کے رکن اسمبلی و سابق وزیر ڈاکٹر اشوتھ نارائن نے کانگریس حکومت پر الزام عائد کیا کہ سدرامیہ کی حکومت کسان مخالف ہے۔کاویری پانی کے تامل ناڈو کو سپلائی کئے جانے کے معاملے میں آل پارٹی میٹنگ بلائی گئی جس میں وزیر اعلیٰ سدرامیہ نے کہا کہ "ہمیں عام حالات میں پانی چھوڑنے پر کوئی اعتراض نہیں ہے. مشکل حالات میں ہم مزید پریشانی میں مبتلا ہیں کیونکہ ہمارے پاس اس مسئلے کے حل کا کوئی فارمولا نہیں ہے۔ وزیر اعلیٰ سدرامیہ نے مزید کہا کہ منسٹر فار واٹر ریسورسز دہلی روانہ ہونگے اور وکلاء کی ٹیم سے ملاقات کریں گے۔ کاویری واٹر مینجمنٹ اتھارٹی و سپریم کورٹ سے رجوع کرینگے تاکہ اس مسئلے کا حل نکالینگے تاکہ ہماری ریاست کے کسانوں کے مفادات کا تحفظ کیا جاسکے۔

وزیر اعلیٰ سدرامیہ نے کہا کہ ریاست کے وزیر اعلیٰ کی حیثیت سے میں تسلیم کرتا ہوں کہ تامل ناڈو کو پانی فراہم کرنا مشکل ہے، چوںکہ ہماری ہی ریاست میں پانی کہ قلت ہے کہ اس سال برسات میں کمی پائی گئی ہے۔وزیر اعلیٰ نے کہا کہ کسانوں کی قربانی سے پانی نہیں دیا جا سکتا۔ اب ہم مصیبت میں ہیں. ہم سب کو مل کر چلنا ہے. انہوں نے کہا کہ اس مسئلے کا حل میکیڈاتو اسکیم ہے۔