ریاست کرناٹک کے گلبرگہ ضلع کے چیتاپور ٹاون پولیس اسٹیشن کے ایک ملازم کے کورونا مثبت پائے جانے کے بعد پولیس اسٹیشن کو سیل کردیاگیا ہے۔
16 جولائی سے 2 دن کے لیے چیتاپور پولیس اسٹیشن سیل ڈاون رہے گا۔ چٹگوپہ تعلقہ ضلع بیدر کے پولیس کانسٹیبل کی والدہ اور فرزند بھی کورونا متاثر بتائے گئے ہیں۔
مذکورہ پولیس اسٹیشن کے ایک اے ایس آئی بھی کورونا سے متاثر ہونے کی تصدیق ہوئی ہے۔ بتایا گیا کہ جواریوں کو گرفتار کر نے کے بعد چٹگوپہ پولیس اسٹیشن کے ملازمین کورونا سے متاثر ہوئے ہیں۔ پولیس اہلکاروں کے کورونا مثبت پائے جانے کے بعد چٹکوپہ اور چیتا پور پولیس اسٹیشنز کے پورے عملہ کو ہوم کورانٹائن کردیا گیا۔