چاچا پنڈت جواہر لال نہرو بچوں کو بہت پیار کرتے تھے، خواجہ گیسو دراز

مؤظف محکمۂ تعلیمات گلبرگہ محمد خواجہ گیسو دراز نے کہا ہے کہ چاچا پنڈت جواہر لال نہرو بچوں کو سب زیادہ کرتے تھے۔ Chacha Pandit Jawaharlal Nehru loved children

گلبرگہ:گلبرگہ شہر میں 14 نومبر کے موقع پر اقرأ انگلش میڈیم اسکول میں چاچا پنڈت جواہر لال نہرو کی یوم پیدائش کے موقع پر یوم اطفال منایا گیا۔ اس موقع پر بچوں کے لیے ثقافتی اور دیگر پروگرام منعقد کیے گئے۔ اس موقع پر محمد خواجہ گیسو دراز موظف محکمہ تعلیمات نے بتاتے ہوئے کہا کہ اقرا انگلش میڈیم اسکول تعلیمی میدان میں کئی سالوں سے اپنی خدمات کو انجام دیتا آرہا ہے۔ خاص کر کے 14 نومبر کے موقع پر دو دنوں کے لیے یہاں پر اسکول طلباء و طالبات کے لیے مختلف پروگرام منعقد کر کے چاچا پنڈت جواہر لال نہروکے متعلق بچوں میں معلومات فراہم کرنے کی کوشش گئی ہے۔ ‌کیوں پنڈت جواہر لال نہرو سب سے زیادہ بچوں سے محبت کرتے تھے۔ اور انھوں نے خود اپنے جنم دن منانے کے بجائے یوم اطفال منانے کو کہا تھا۔

14 نومبر کو ملک میں پنڈت جواہر لال نہرو کی یوم پیدائش کو یوم‌ اطفال کے طور پر منایا جاتا ہے۔ پنڈت جواہر لال نہرو ملک کے پہلے وزیر اعظم تھے۔ انھوں نے ہمیشہ ملک کی ترقی کے لیے کئی خدمات انجام دیے ہیں۔ ملک بھر میں آج ان کی خدمات کو یاد کیا جاتا ہے۔ ‌آج اس ملک کی ترقی کے لیے ہمیں پنڈت جواہر لال نہرو کے بتائے ہوئے اصولوں پر عمل کر نے کی سخت ضرورت ہے۔ اس موقع کئی طلباء وطالبات نے ثقافتی اور دیگر پروگرام میں بڑی تعداد میں حصہ لیا۔ اس میں کامیاب طلباء کو انعامات سے بھی نوازا گیا۔