گئوکشی مخالف آرڈیننس پر ایچ ایس دورے سوامی برہم

مجاہد آزادی ایچ ایس دورے سوامی کہا ہے کہ 'مرکزی حکومت پہلے بیف ایکسپورٹ پر پابندی لگائے پھر گئوکشی مخالف قانون بنانے کی بات کرے۔'

ریاست کرناٹک میں بھارتیہ جنتا پارٹی کی حکومت نے قریش تنظیموں اور عوام کے احتجاج کے باوجود گزشتہ دنوں ریاست بھر میں گئوکشی مخالف آرڈیننس نافذ کر دیا اور اب اس قانون سے متعلق قواعد بنانے کی تیاری کررہی ہے۔

حکومت کی جانب سے نافذ کردہ گئوکشی مخالف آرڈیننس کو متعدد سماجی تنظیموں نے ہائیکورٹ میں چیلینج کیا ہے جس کے نتیجے میں ہائیکورٹ نے حکومت کو نوٹس جاری کیا ہے۔

اس ضمن میں آج مجاہد آزادی ایچ ایس دورے سوامی نے بی جے پے پی حکومت کے اس اقدام پر سخت برہمی کا اظہار کرتے ہوئے وزیراعلیٰ یدی یورپا کو ایک تفصیلی مکتوب لکھا ہے جس میں کہا ہے کہ 'مرکزی حکومت پہلے بیف ایکسپورٹ پر پابندی لگائے پھر گئوکشی مخالف قانون بنانے کی بات کرے۔'