ضمنی انتخابات غیر ضروری

ریاست کرناٹک میں آج کل 15 اسمبلی حلقوں میں ضمنی انتخابات ہورہے ہیں۔

واضح رہے کہ گذشتہ چند مہینوں میں ریاست میں ایک سیاسی اٹھا پٹک کو دیکھی گئی
جس میں بی جے پی نے اقتدار میں بیٹھے کانگریس اور جے ڈی ایس کی مخلوط حکومت کو گرانے کے لیے دونوں پارٹیوں کے 17 رکن اسمبلی پر مبینہ طور پر' آپریشن کملہ 'چلایا تھا۔جس کے بعد ان ارکین اسمبلی نے اسمبلی سے استعفی دے دیا تھا، جس کے نتیجے میں یہ انتخابات ہورہے ہیں۔

اس سلسلے میں شہر کے کئی دانشوران کی رائے ہے کہ یہ انتخابات بلکل ہی غیر ضروری طور پر منعقد کیے گئے تاکہ چند رشوت خور سیاستداں اپنے مفاد پرستی کی خاطر پارٹیاں بدلتے رہیں جس سے عوام کو ہراسانی لاحق ہو۔
اس سلسلے میں یہ بھی مطالبہ ہے کہ اینٹی ڈیفیکشن قانون کو مضبوط بنایا جائے کہ پارٹی بدلنے کی گندی سیاست ختم ہو۔