ریاست کرناٹک کے گلبرگہ تعلقہ کے شرن سیرس میں ہوئے ایک سڑک حادثے میں بھائی بہن کی موت ہو گئی اور پانچ دیگر زخمی ہو گئے۔ گلبرگہ شہر کے نواحی علاقہ میں شرن سیرسگی دیہات میں یہ خطرناک سڑک حادثہ پیش آیا۔
بتایا جاتا ہے کہ اس حادثے میں بھائی بہن نے موقع پر ہی دم توڑ دیا جبکہ 5 افراد شدید زخمی ہو گئے۔ زخمیوں کو علاج کے لیے ہسپتال میں داخل کرایا گیا ہے۔
اطلاعات کے مطابق حادثہ اس وقت پیش آیا جب افضل پود سے گلبرگہ کی سمت آرہی تیز رفتار منی ٹمپو نے کار کو اوور ٹیک کرنے کی کوشش میں موٹر سائیکل کو ٹکر دے دی اور سائڈ کٹ کے دوران کار کو بھی ٹکر دے دی۔ کار اور ٹیمپو دونوں پل کے نیچے جاگرے۔
موٹر سائیکل پر سوار بھائی بہن دونوں کی موقع پر ہی موت ہوگئی۔ بتایا جاتا ہے کہ موٹر سائیکل پر سوار اجے اپنی بہن کے ساتھ گلبرگہ سے اپنے گاؤں جارہے تھے۔
وہیں ٹیمپو میں سوار 4 مزدور سمیت کار ڈرائیور شدید زخمی ہوگئے۔ زخمیوں کو سرکاری ضلع اسپتال گلبرگہ میں داخل کروایا گیا ہے۔
