یادگیر: خون عطیہ کیمپ کا انعقاد

ضلع یادگیر کے ایڈن گارڈن فنکشن ہال میں خون عطیہ کیمپ، ہیلتھ کیمپ، آئی کیمپ کا انعقاد کیا گیا۔

ریاست کرناٹک کے ضلع یادگیر کے ایڈن گارڈن فنکشن ہال میں نیشنل ستیہ وادی ہیومن رائٹس کے ریاستی صدر تجمل حسین کی 42 ویں یوم پیدائش کے موقع پر مختلف عوامی فلاحی کاموں کا انعقاد عمل میں آیا۔

ڈاکٹر سورجی مٹھ نے کہا کہ 'نیشنل ستیہ وادی ہیومن رائٹس کے ریاستی صدر تجمل حسین کے یوم پیدائش پر ہیلتھ کیمپ، آئی کیمپ، خون عطیہ کیمپ کا انعقاد کیا گیا۔

جہاں تک خون عطیہ کیمپ کی بات ہے تو ہر آدمی کو چاہیے کہ وہ ہر 6 ماہ میں ایک بار خون کا عطیہ کرے خون کا عطیہ کرنے سے ہارٹ اٹیک، کینسر جیسے امراض سے بچا جاسکتا ہے۔

انہوں نے کہا کہ 'خون کا عطیہ کرنے سے جسم میں خون کی روانی میں بھی اضافہ ہوتا ہے۔

ڈاکٹر سورجی مٹھ مزید کہا کہ 'شہر میں کبھی بھی کسی مریض کو خون کی ضرورت پڑے تو سورجی مٹھ بلڈ بینک عوام کی خدمت کے لیے 24 گھنٹے حاضر ہے۔

انہوں نے اس موقع پر خاص کر نوجوانوں سے اپیل کرتے ہوئے کہا کہ 'جہاں کہیں بھی خون عطیہ کیمپ کا انعقاد عمل میں آتا ہو، لوگوں اور خاص طور پر نوجوانوں کو چاہیے کہ وہ ایسے کیمپ میں اپنے خون کا عطیہ کر کے لوگوں کی زندگیاں بچائیں۔