ریاست کرناٹک کے ضلع یادگیر کے بہوجن سماج پارٹی کے صدر تجمل حسین نے میڈیا سے بات کرتے ہوئے کہا کہ سابق مائناریٹی چیئرمین اور بی جے پی لیڈر انور مانپاڑے نے سوشل میڈیا پر جو بیان دیا تھا اس کی ہم مذمت کرتے ہیں۔
تجمل حسین نے یہ بیان اس وقت دیا جب انور مانپاڑے وقف بورڈ کی جائیدادوں کے تحفظ سے متعلق ایک پروگرام میں شرکت کے لیے یادگیر آنے والے تھے مگر وہ نہیں آئے۔
انہوں نے کہا کہ انور مانپاڑے نے مرحوم قمر الاسلام سے متعلق جو بیان دیا تھا اس پر ہم سخت مذمت کرتے ہوئے احتجاج کرنے والے تھے۔ لیکن انور مانپاڑے یادگیر نہیں آئے۔ تجمل حسین نے مزید کہا کہ انور مانپاڑے جب بھی کبھی یادگیر آئیں گے ان کے خلاف احتجاج ضرور کیا جائے گا۔ انہوں نے مطالبہ کیا کہ انور مانپاڑے کو معافی مانگنا چاہیے۔