پیٹرول اور ڈیزل کی قیمتوں کا بڑھنا اور کم ہونا عالمی سطح کا معاملہ: بی جے پی

بی جے پی کسان مورچہ کے ریاستی صدر ایرنا نے کہا کہ کانگریس پارٹی کے پاس صرف پٹرول ڈیزل کی بڑھتی ہوئی قیمتیں اور زرعی قوانین جیسے معاملات ہی رہ گئے ہیں۔ یہ سبھی جانتے ہیں کہ پیٹرول اور ڈیزل کی قیمتوں کا بڑھنا اور کم ہونا عالمی سطح کا معاملہ ہے۔

ریاست کرناٹک کے ضلع یادگیر میں بی جے پی کے ضلع دفتر میں رکن پارلیمان و بی جے پی کسان مورچہ کے ریاستی صدر ایرنا نے صحافیوں سے خطاب کرتے ہوئے کہا کہ ریاستی حکومت نے لاک ڈاؤن سے پریشان حال کسانوں کے لئے خصوصی پیکیج کا اعلان کیا ہے۔

انہوں نے کہا کہ مرکزی و ریاستی حکومت کسانوں کی فلاح و بہبود کے لئے مختلف قسم کے پروگرام کر رہی ہے۔ جس سے کسانوں کی آمدنی میں اضافہ ہو مگر ملک کی اپوزیشن پارٹی کانگریس کسانوں کے مسائل کو لیکر سیاست کر رہی ہے۔

انہوں نے کہا کہ کانگریس پارٹی کے پاس صرف پٹرول ڈیزل کی بڑھتی ہوئی قیمتیں اور زرعی قوانین جیسے معاملات ہی رہ گئے ہیں۔ یہ سبھی جانتے ہیں کہ پیٹرول اور ڈیزل کی قیمتوں کا بڑھنا اور کم ہونا عالمی سطح کا معاملہ ہے۔

پیٹرول اور ڈیزل کی قیمتوں کا بڑھنا اور کم ہونا عالمی سطح کا معاملہ: بی جے پی

انہوں نے کہا کہ مرکزی حکومت کے بنائے گئے زرعی قوانین میں کوئی خرابی نہیں ہے۔ کسانوں کو چاہیے کہ مرکزی حکومت کی جانب سے بنائے گئے قانون پر بھروسہ کرے اور اس پر عمل کرے اگر اس زرعی قوانین سے آگے چل کر کسانوں کو کسی قسم کا کوئی نقصان ہوتا ہے تو ممکن ہے اس قانون میں ترمیم کی جا سکتی ہے۔ مگر پہلے سے ہی اس قانون کو غلط بتانا ٹھیک نہیں ہے۔

ضلع یادگیر کے ڈورنلی دیہات میں ایک ہی خاندان کے چھ لوگوں کی خود کشی کے سوال پر بی جے پی کسان مورچہ کے ریاستی صدر نے کہا کہ میں اس گاؤں میں جاؤں گا اور حکومت کی جانب سے مدد کرنے کی کوشش کروں گا۔