’’بڑے خواب اور سخت محنت کامیابی کی ضامن‘‘

ریاست کرناٹک کے دارالحکومت بنگلور کے طلبا کا کہنا ہے کہ اونچے خواب اور انتھک محنت ان کی کامیابی کی ضامن ہے۔

رواں برس ریاست کرناٹک اور خاص طور پر دار الحکومت بنگلور میں مسلم طلباء نے بھی دسویں و بارہویں کے امتحانات میں عمدہ کامیابی حاصل کی ہے۔

وہ مسابقتی امتحان کی تیاری میں لگے ہوئے ہیں۔

اس سلسلے میں ای ٹی وی بھارت سے بات کرتے ہوئے طلباء نے بتایا کہ اس کامیابی کے لئے ان کی نہ صرف انتھک محنت بلکہ ان کے اساتذہ کی ہر مقام پر رہنمائی اور والدین کی حوصلہ افزائی بھی ان کے ساتھ رہی ہے۔

اس ضمن میں فیلکن گروپ آف پی یو کالجز کے مینیجنگ ڈائریکٹر عبد السبحان نے کہا کہ رواں سال کے نتائج کورونا وائرس کی وباء اور لاک ڈاؤن سے کسی بھی اعتبار سے متاثر نہیں ہوئے ۔

انھوں نے کہا کہ طلباء نے نہایت شوق، جذبہ و لگن کے ساتھ پڑھائی کی ہے۔