کرناٹک کے ضلع بیدر کے تعلقہ بھالکی کا سرکاری اردو ہایئر پرائمری اسکول گزشتہ دو سال سے بدحالی کا شکار ہے۔ لاک ڈاؤن کے بعد ریاست میں جہاں چھٹی جماعت سے بارہویں جماعت کے اسکول اور کالج شروع کیے گئے ہیں سرکاری اسکولوں میں آج بھی صفائی اور دیگر ضروری سہولیات کا فقدان ہے۔
اردو سرکاری اسکول بدحالی کا شکار بیدر ضلع کے تعلقہ بھالکی کے سرکاری ہایئر پرائمری اسکول کی بونڈری وال کو گرے گزشتہ دو سال ہوئے لیکن ابھی تک محکمہ تعلیمات نے اس بونڈری وال کو دوبارہ سے تعمیر نہیں کیا۔
اردو سرکاری اسکول بدحالی کا شکار یہ بھی پڑھیں:مسلم خاتون کو لفٹ دینے والے نوجوان پر حملہ کرنے والے دو گرفتار
سماجی کارکن عبدل سلیم بھالکی نے میڈیا سے بات کرتے ہوئے بتایا کہ گزشتہ دو سالوں سے بھالکی کے سرکاری اردو پرائمری اسکول کی دیوار گری ہوئی ہے۔
محکمہ تعلیمات کو کئی بار یاداشت پیش کرنے کے باوجود ابھی تک محکمہ تعلیمات نے اس اسکول کی بونڈری کے لئے کوئی اقدام نہیں کیا ہے۔
انہوں نے کہا کہ بونڈری وال نہ ہونے کی وجہ سے اسکول میں کئی بار چوری ہوئی ہے۔ سماجی کارکن نے محکمہ تعلیمات کے اعلی افسران سے اپیل کرتے ہوئے کہا کہ بھالکی اردو ہایئر پرائمری اسکول کی بونڈری وال جلد از جلد تعمیر کریں۔
انہوں نے مزید کہا کہ اس اسکول کی عمارت بھی بوسیدہ ہو چکی ہے اور اسکول کے احاطے میں جھاڑیوں اور گھاس کے پڑھنے کی وجہ سے مچھروں کی بھی بہتات ہے جو بچوں کی صحت کے لئے پریشانی کا باعث ہے۔
