JDS Minority Leader 'کرناٹک حکومت روزگار کے موقع فراہم کرے'

کرناٹک کے ضلع بیدر میں جنتا دل سیکولر کے اقلیتی سیل کے رہنما بنی قریشی نے کہا کہہمارے یہاں روزگار کے وسیع ذرائع نہیں ہیں۔ ریاست کے مختلف اضلاع میں روزگار نہ ملنے کی وجہ سے وہاں کی عوام دیگر ریاستوں کا رخ کر رہے ہیں۔

بیدر :ریاست کرناٹک کے ضلع بیدر میں جنتا دل سیکولر پارٹی کے مائنارٹی لیڈر نبی قریشی نے میڈیا سے بات کرتے ہوئے کہا کہ ریاستی حکومت عوام کی فلاح و بہبودی کے لیے انتخابی وعدوں کو پورا کر رہی ہے جو مختلف اسکمات کی شکل میں ہے۔ہم صرف ریاست میں ترقی دیکھنا چاہتے ہیں۔

انہوں نے کہا کہ ریاست میں تعلیم اور صحت دو اہم مسائل ہیں حکومت کو چاہیے کہ تعلیم اور صحت کے شعبوں میں بھی بہتری لائے۔ ہمارے سماج میں ایک بڑا طبقہ نوجوانوں کا ہے کسی بھی گھر میں اگر نوجوان بروزگار ہو تو وہ اپنے گھر کے مسائل اور ذمہ داریوں کو بخوبی ادا کر سکتا ہے۔ ان دنوں نوجوانوں کے سامنے سب سے اہم مسئلہ روزگار کا ہے۔ ریاست میں کئی نوجوان لڑکے روزگار کی تلاش میں در بدر کی ٹھوکریں کھا رہے ہیں یہاں تک کہ اپنی ریاست چھوڑ کر دیگر مقامات پر جا کر روزگار کرنے پر مجبور ہیں۔

ان کا کہنا ہے کہ ایسا صرف اس لیے ہو رہا ہے کہ ہمارے یہاں روزگار کے وسیع ذرائع نہیں ہیں۔ ریاست کے مختلف اضلاع میں روزگار نہ ملنے کی وجہ سے وہاں کی عوام دیگر ریاستوں کا رخ کر رہے ہیں۔ اس لیے حکومت کو چاہیے کہ عوام کی خوشحالی اور ترقی کے لیے ریاست کے نوجوانوں کہ مستقبل کے لیے روزگار کے موقع فراہم کرے۔