جے این یو تشدد کے خلاف بنگلور میں طلبا کا احتجاج

جواہر لعل نہرو یونیورسٹی کیمپس میں نقاب پوشوں کی جانب سے طلبا و اساتذہ پر ہوئے حملے کے خلاف بنگلور کے ٹاؤن ہال کے پاس طلبا نے احتجاج کیا اور تشدد کی مذمت کی۔

طلبا نے اس بات پر حیرت کا اظہار کیا کہ 'پولیس کی موجودگی میں یہ حملہ کیوں کر ممکن ہوا جب کہ سماجی کارکنان کا یہ ماننا ہے کہ مودی کی اقتدار والی مرکزی حکومت پولیس کو اپنے سیاسی فائدہ کے لیے استعمال کر رہی ہے۔'

طلبا نے الزام عائد کیا کہ 'جے این یو پر ہوئے حملے میں آر ایس ایس و اے بی وی پی کے ورکرز کا ہاتھ ہے جو ایک سازش ہے۔'

اس موقع پر آزادی کے نعروں کے ساتھ طلبا نے اس معاملے میں اعلیٰ سطح کی جانچ اور حملہ آوروں پر سخت کارروائی کا مطالبہ کیا۔
.
احتجاج میں طلبا نے مودی حکومت کو انتباہ دیا کہ وہ شہریت ترمیمی قانون اور این آر سی کے خلاف اٹھ کھڑے ہوئے طلبا کو دبانے کی کوشش نہ کریں۔