بنگلور: این آئی اے نے شبہ کی بنیاد پر حفیظ علی عرف عباس کو آئی ایس کے ساتھ مبینہ تعلق کے الزام میں گرفتار کیا، ایجنسی کے ایک بیان میں کہا گیا کہ عباس کے ایک درجن سے زیادہ افراد کے ساتھ روابط تھے جن کا تعلق دہشتگرد تنظیم کے ساتھ ہے، آپریشن کے دوران این آئی اے نے مہاراشٹر اور بنگلورو سمیت ملک بھر میں 44 مقامات پر چھاپے ماری کی ہے۔ نیشنل انویسٹی گیشن ایجنسی (این آئی اے) کے اہلکاروں نے شہر کے فریزر ٹاؤن علاقے کے ایک رہائشی کو رہا کیا ہے جسے انہوں نے ممنوعہ اسلامک اسٹیٹ (آئی ایس) سے متعلق مبینہ سازش کے سلسلے میں پوچھ گچھ کے لیے اٹھایا تھا۔ علی حفیظ عرف علی عباس، جو انڈین انسٹی ٹیوٹ آف ٹیکنالوجی، ممبئی کے گریجویٹ ہیں، کو ہفتے کے روز مشرقی بنگلورو میں مور روڈ پر واقع ان کے فلیٹ سے حراست میں لیا گیا۔
یہ بھی پڑھیں:
کشمیری صحافی فہد شاہ جیل سے رہا
این آئی اے کو شبہ ہے کہ اس کے آئی ایس کے ساتھ مبینہ تعلق کے الزام میں گرفتار ایک درجن سے زیادہ افراد کے ساتھ روابط تھے۔ آپریشن کے دوران این آئی اے نے مہاراشٹر اور بنگلورو سمیت ملک بھر میں 44 مقامات کی تلاشی لی۔ عباس کے گھر سے این آئی اے کے اہلکاروں نے اس کا لیپ ٹاپ، موبائل فون اور 16.42 لاکھ روپے کی نقدی ضبط کی۔ انہوں نے اس کی بیوی سے بھی پوچھ گچھ کی جو پیشہ سے ڈاکٹر ہے۔ باخبر ذرائع نے بتایا کہ عباس سے ہفتہ کی رات شہر میں واقع این آئی اے کے دفتر میں پوچھ گچھ کی گئی تھی، لیکن "کافی ثبوت" کی کمی کی وجہ سے اتوار کو چھوڑ دیا گیا۔
تاہم، این آئی اے حکام نے بعد میں ان کی رہائش گاہ کا دورہ کیا اور تلاشی لی، ذرائع نے مزید کہا کہ این آئی اے نے عباس کے الیکٹرانک آلات کو فارینسک جانچ کے لیے بھیج دیا ہے۔ کہا جاتا ہے کہ اس نے این آئی اے حکام کو بتایا کہ اس کے گھر سے ملنے والی نقدی کا حساب کتاب کیا گیا تھا۔ ذرائع نے بتایا کہ فرانزک رپورٹ کی بنیاد پر این آئی اے مزید ضروری کارروائی کرے گی۔ ذرائع کے مطابق، عباس کے فلیٹ کو نگرانی میں رکھا گیا ہے، اور پٹرولنگ پولیس بھی نظر رکھے ہوئے ہے۔
