'بنگلور تشدد معاملے کی جانچ عدالت کی نگرانی میں کی جائے'

سیکولر ایڈووکیٹز فرنٹ کی جانب سے مطالبہ کیا گیا ہے کہ بنگلور تشد معاملے کی جانچ عدالتی نگرانی میں ہی کی جائے۔

وکلاء کی تنظیم 'سیکولر ایڈوو کیٹز فرنٹ' کی جانب سے کرناٹک ہائی کورٹ میں پی آئی ایل منظورکی گئی ہے اور کورٹ کی جانب سے ریاستی حکومت کو متعلقہ نوٹس بھی جاری کئے جا چکے ہیں۔

اس سلسلے میں ای ٹی وی بھارت سے خصوصی بات کرتے ہوئے سیکولر ایڈووکیٹز فرنٹ کے ذمہ داران نے بتایا کہ انہوں نے اس پیٹیشن میں متعدد اہم نکات درج کیے ہیں کہ جس سے تشدد کے سلسلے میں گرفتار شدہ معصوموں کو راحت مل سکے۔

'بنگلور تشدد معاملے کی جانچ عدالت کی نگرانی میں کی جائے'

اس پورے تشدد کے معاملے میں مذکورہ پی آئی ایل میں کورٹ سے یہ خاص طور پر التجاء کی گئی کہ حکومت کی جانب سے مجسٹریٹ انکوائری کافی نہیں، لہذا ہائی کورٹ کے جج کی نگرانی میں تحقیقات کیے جائیں۔

واضح رہے کہ پی آئی ایل میں اس بات کا بھی مطالبہ کیا گیا ہے کہ تشدد کے دوران پولیس کی جانب سے جو 70 سے زائد ایف آئی آرز درج ہوئے ہیں، انہیں یکجا کیا جائے۔

'بنگلور تشدد معاملے کی جانچ عدالت کی نگرانی میں کی جائے'

ملزمین کی گرفتاریوں کے دوران پولیس سے ہوئی انسانی حقوق کی پامالی پر ایکشن لیا جائے اور دوران تشدد پولیس فائرنگ میں ہلاک شدہ 4 افراد کے اہل خانہ کو مناسب معاؤضہ یا ان کے گھر کے کسی فرد کو سرکاری نوکری دی جائے۔'