بنگلور: ہوس کوٹ مسلم فورم کی انتظامیہ نے ستائش کی

شہر بنگلور میں ہوس کوٹ مسلم فورم کی جانب سے مقامی کووڈ-19 مریضوں کے لئے الامین اسکول کے احاطے میں ایک خصوصی کووڈ-19 کیئر سینٹر قائم کیا گیا۔

بنگلور میں ہوس کوٹ مسلم فورم کی جانب سے گزشتہ 2 ماہ کی مدت میں 250 سے زیادہ مریضوں کو مفت کیئر اور علاج مہیا کیا گیا۔ جس کے لئے مقامی انتظامیہ نے خوب ستائش کی ہے۔

ان خدمات کے متعلق پروجیکٹ کے کنوینر ڈاکٹر مزمل نے بتایا کہ اس وبا کے ابتدائی مرحلہ میں چند سماج و ملک مخالف عناصر اور میڈیا کی جانب سے تبلیغی جماعت کو کورونا کے پھیلاؤ کی وجہ بتاتے ہوئے جھوٹا پروپیگنڈہ چلا کر مسلمانوں کو بدنام کرنے کی کوشش کی گئی لہٰذا ہم نے کووڈ 19 سینٹر کا قیام کیا جس سے کثیر تعداد میں غیر مسلم برادران نے بھی استفادہ کیا۔