بنگلور : کسانوں کی تحریک کامیابی کی طرف گامزن

مرکزی حکومت کی جانب سے لائے گئے زرعی قوانین کی مخالفت میں کسان تنظیموں کی تحریک جاری ہے۔ تینوں زرعی قوانین کی مخالفت میں کسان گذشتہ چھ ماہ سے سراپا احتجا ج ہیں۔ چند ماہ قبل حکومت اور کسان تنطیموں کے نمائندوں کے درمیان متعدد دفعہ بات چیت ہوی ۔تاہم وہ بات چیت ناکام رہی۔

تینوں زرعی قوانین کے خلاف ملک بھر میں بالخصوص دار الحکومت دہلی کے مختلف سرحدوں گذشہ چھ ماہ سے کسان تنظیمیں احتجاج کر رہی ہیں۔ احتجاج کے چھ ماہ مکمل ہونے پر کسانوں نے یو م سیاہ منایا۔

اسی ضمن میں ریاست کرناٹک کی سماجی کارکنان کی وہ ٹیمیں جو دہلی بارڈرز پہونچ کر کسانوں کے احتجاج میں شامل ہوئے تھے۔ کسانوں کی جانب سے منائے گئے یوم سیاہ کی حمایت کی۔ اور اس تحریک کو آگے بھی جاری رکھنے کا عزم ظاہر کیا۔

بنگلور میں کسان تحریک کی حمایت کرنے والے سماجی کارکنان کا کہنا ہے کہ یہ قوانین کسان مخالف ہے۔ اور اسی قوانین سے بی جے پی کے زوال کا آغاز ہوگا۔

انہوں نے امید ظاہر کی کہ کسانوں کی یہ تحریک کامیاب ہوگی۔ واضح رہے کہ کسان سمیوکت مورچہ کے رہنماؤں نے چند ماپ قبل کرناٹک کا دورہ کیا تھا۔ جس سے ریاست کے کسانوں میں حوصلہ پیدا ہوا ہے۔