ان حالات میں جب لوگوں کے گھر بجلی بل آئے تو ان کی پریشانیوں میں مزید اضافہ ہوا یہ دیکھ کر کہ ان کے بجلی بل دگنے ہوگئے جبکہ کچھ لوگوں کے بجلی بلی تین اور چار گنا بڑھ کر آئے۔
حیرت اس بات پر ہے کہ اس کے متعلق بجلی بورڈ یا متعلقہ محکمہ سے بھی کوئی وضاحت نہیں آئی۔
اس سلسلے میں ای ٹی وی بھارت نے شیواجی نگر کے متعدد علاقوں میں لوگوں سے بات کی کہ انہیں موصول ہوئے بجلی کے بل کے متعلق کیا رد عمل ہے۔
عوام کا کہنا ہے کہ 'لاک ڈاؤن ہمارے لیے کسی ظلم سے کم نہیں، اس سے نہ صرف ہم کام سے دور رہے بلکہ کوئی بھی آمدنی کا ذریعہ نہ رہا اور کھانے کے بھی لالے پڑے ہیں، لہٰذا حکومت لاک ڈاؤن کی مدت تک بجلی کے بل کو پوری طرح معاف کرے یا کم از کم اس تضاد کو فوری طور پر دور کرے۔
اس مسئلے کی وضاحت کے لیے ای ٹی وی بھارت نے متعلقہ حکام سے بات کرنے کی کوشش کی لیکن رابطہ نہ ہوسکا۔
