بنگلور: ایچ ڈی دیوے گوڑا بلا مقابلہ راجیہ سبھا کے رکن منتخب

سابق وزیراعظم اور کرناٹک کے سابق وزیراعلیٰ ایچ ڈی دیوے گوڑا کے بلا مقابلہ راجیہ سبھا کا رکن منتخب ہونے پر حلقہ میں خوشی کا ماحول ہے۔

ریاست کرناٹک کے شہر گلبرگہ میں جنتا دل آفس پر ایچ ڈی دیوے گوڑا کے بلا مقابلہ راجیہ سبھا کا رکن منتخب ہونے پر جشن منایا گیا۔

اس موقع پر جنتا دل پارٹی کے اقلیتی سیل کے رہنما محی الدین نے کہا کہ جے ڈی ایس اور کانگریس پارٹی کے دو سینئر رہنما ایچ ڈی دیوے گوڑا اور ملکارجن کھرگے کا راجیہ میں منتخب ہونا کرناٹک کے لیے بہت ہی خوشی کی بات ہے کیوںکہ یہ دونوں رہنما سیکولر پارٹی کے ہیں۔

انہوں نے کہا کہ راجیہ سبھا میں بی جے پی کی مخالفت کے لیے اس طرح کی سیکولر پارٹیوں کے رہنماؤں کا ہونا بہت ضروری تھا جس سے ملک میں سیکولرزم کی فضا قائم رہے گی۔