مشہور کنڑ مصنف کا انتقال

مشہور کنڑ مصنف کے بی سدھیا کا برین ہیمریج کی وجہ سے بنگلور کے منی پال اسپتال میں آج صبح انتقال ہوگیا۔ وہ 65برس کے تھے۔

سدھیا حال ہی میں سوگاناہلی کے نزدیک اپنے فارم کی سمت جاتے وقت سڑک حادثے میں زخمی ہوگئےتھے۔

اس حادثے میں انہیں شدید چوٹیں آئیں تھیں، جبکہ ان کی گاڑی کے ڈرائیور کی موقع پر ہی موت ہوگئی تھی۔

دلت مفکر سدھیا ریاست کے سابق وزیراعلی اور حال میں اپوزیشن کے رہنما سدھارمئیا کے قریبی تھے۔

سدھارمئیا حال ہی میں ان کی طبیعت معلوم کرنے کےلئے اسپتال بھی گئےتھے۔

سدھیا کے لواحقین میں ان کی اہلیہ، دو بیٹیاں اور ایک بیٹا ہے۔

ان کے جسد خاکی کو آخری دیدار کےلئے ٹاؤن ہال مین رکھا جائےگا اور پھر ان کے فارم میں لےجاکر آخری رسوم ادا کی جائیں گی۔