گلبرگہ: تنخواہوں میں اضافے کےلیے آشا ورکرز کا احتجاج

ریاست کرناٹک کے گلبرگہ شہر میں کمشنر آفس کے سامنے آشا ورکرز اور اے آئی یو ٹی یو سی کے جانب سے احتجاجی مظاہرہ منظم کیا گیا۔

گلبرگہ کمشنر آفس کے سامنے مظاہرہ کر رہے احتجاجیوں نے بتایا کہ کورونا وائرس کےسبب موجودہ حالات میں آشا ورکرز اپنی جان کو خطرہ میں ڈال کر خدمات انجام دے رہی ہیں۔

احتجاجیوں نے بتایا کہ آشا ورکرز ایسے حالات میں سہولیات کی عدم فراہمی کے باوجود عوامی خدمات انجام دے رہی ہیں لیکن انہیں مناسب تنخواہ نہیں دی جارہی ہے۔

آشا ورکرز نے تنخواہ 12 ہزار کرنے اور پی پی ای کٹس فراہم کرنے کا مطالبہ کیا جبکہ ریاست میں ان مطالبات کو لیکر گذشتہ 15 دن سے احتجاج کیا جارہا ہے لیکن ریاستی حکومت آشا ورکرز کے مطالبہ کو لیکر سنجیدہ نہیں ہے۔

آشا ورکرز نے تمام مطالبات کو جلدازجلد حل کرنے کا ریاستی حکومت سے مطالبہ کیا ہے اور مطالبات کی عدم تکمیل پر احتجاج جاری رکھنے کے عزم کا بھی اظہار کیا۔