گلبرگہ: ریاستی حکومت کے خلاف آشا ورکرز کا احتجاجی دھرنا

ریاست کرناٹک کے شہر گلبرگہ میں آشا ورکرز خواتین نے تنخواہوں میں اضافہ کرنے کا مطالبہ کرتے ہوئے ریاستی حکومت کے خلاف احتجاجی دھرنا دیا۔

خواتین نے کہا کہ کووڈ 19 وبا کے چلتے آشا ورکرز دن رات کام کر رہی ہیں لیکن انہیں مناسب تنخواہ نہیں دی جارہی ہے۔

آشا ورکرز نے وزیراعلیٰ بی ایس یدی یورپا کو تمام مطالبات کی یکسوئی کرنے کی گزارش کرتے ہوئے ایک میمورنڈم پیش کیا تھا۔

احتجاجی خواتین کا کہنا ہے کہ ریاستی حکومت آشا ورکرز کے مطالبات پر سنجیدگی سے غور نہیں کر رہی ہے۔ انہوں نے الزام لگایا کہ حکومت سوتیلا سلوک کر رہی ہے جس کو دیکھتے ہوئے آشا ورکرز نے آج احتجاجی دھرنا منظم کیا۔