یادگیر: صحافیوں کو تہنیت پیش کی گئی

لاک ڈاؤن کے دوران محکمہ صحت، ڈاکٹرز، آشا ورکرز اور پولیس ڈپارٹمنٹ نے اپنی بہتر خدمت انجام دی ہیں تو وہیں صحافیوں نے بھی اپنا کام بخوبی نبھایا ہے۔

ریاست کرناٹک کے ضلع یادگیر میں 'ٹیپو سلطان یوتھ کمیٹی' کی جانب سے صحافیوں کو تہنیت پیش کی گئی۔ جس میں ای ٹی وی بھارت اردو کے نمائندے مبین احمد زخم کے علاوہ وجے ناتھ ہیرے مٹھ (ایڈیٹر یادگیر ٹائمز)، احمد چاوش (رپوٹر اے ٹی وی گلبرگہ) کو تہنیت پیش کی گئی۔

اس موقع پر 'کرناٹکا ٹیپو سلطان یوتھ کمیٹی' کے ریاستی صدر ارشد دکنی نے کہا کہ 'کورونا وائرس کے بچاؤ کے لیے احتیاطی اقدامات کے طور پر نافذ لاک ڈاؤن میں جہاں محکمہ صحت، ڈاکٹرز، آشا ورکرز اور محکمہ پولیس نے اپنی خدمت انجام دی ہے تو وہیں صحافیوں نے بھی اپنا کردار بخوبی نبھایا ہے۔

انہوں نے کہا کہ 'یہ بڑے ہی افسوس کی بات ہے کہ سماج میں صحافیوں کی خدمات کو نظر انداز کیا جا رہا ہے۔ اس موقع پر انہوں نے علاقائی زبان کے ساتھ ساتھ اردو زبان کے صحافیوں کی خدمات پر بھی مسرت کا اظہار کیا۔