عوام سے کورونا ٹیسٹ کرانے کی اپیل

کرناٹک کے ضلع یادگیر میں محکمہ صحت ڈاکٹر لکشمی کانت نے ای ٹی وی بھارت سے بات کرتے ہوئے عوام سے کورونا ٹیسٹ کرانے کی اپیل کی ہے۔

ریاست کرناٹک کے ضلع یادگیر میں ضلعی انتظامیہ کی جانب سے عوام کے لیے کورونا وائرس ٹیسٹ کرانے کے لیے شہر کے مختلف علاقوں میں عوامی کیمپ لگائے گئے۔

اس موقع پر محکمہ صحت ڈاکٹر لکشمی کانت نے ای ٹی وی بھارت سے بات کرتے ہوئے کہا کہ ضلع یادگیر کے چار تعلقہ جات میں کورونا وائرس ٹیسٹ کے لیے خصوصی کیمپ کا انعقاد کیا گیا، جس میں یادگیر شہر میں تین کیمپ لگائے گئے جو شہر کے عزیز کالونی، کولی واڈہ، لکشمی نگر کے علاوہ تعلقہ شورا پور میں 3، شاپور میں 4 اور گرمٹکل میں ایک کیمپ کا انعقاد عمل میں آیا۔

ڈاکٹر لکشمی کانت نے مزید کہا کہ کورونا ریپڈ ٹیسٹ کی رپورٹ صرف 10 منٹ میں آتی ہے۔ جس سے عام لوگوں کو کافی سہولت ہوگی۔

عوام سے کورونا ٹیسٹ کرانے کی اپیل

اس موقع پر محکمہ صحت کے دیگر ذمہ داران کے علاوہ محکمہ بلدیہ کے ذمہ داران بھی موجود تھے۔