عیدالاضحیٰ پر صفائی کا خیال رکھنے کی اپیل

ضلع یادگیر کے مسلم راشٹریہ منچ کے ڈسٹرکٹ کنوینر ارشد دکنی نے کہا کہ 21 جولائی کو عید الاضحی ہوگی۔'

ریاست کرناٹک کے ضلع یادگیر کے مسلم راشٹریہ منچ کے ڈسٹرکٹ کنوینر ارشد دکھنی نے عیدالاضحیٰ کے متعلق میڈیا سے بات کرتے ہوئے کہا کہ 'اللہ تعالی نے حضرت ابراہیمؑ کا کئی بار امتحان لیا۔

حضرت ابراہیمؑ اپنے اہل و عیال کو جنگل میں چھوڑنے، آگ میں ڈالنے اور اپنی اولاد کو قربان کرنے وہ دیگر امتحانات کیوں نہ ہو انہوں نے صرف اللہ کی رضا کے لیے اللہ پر بھروسہ اور یقین کرتے ہوئے ہر امتحان میں کامیابی حاصل کی۔

انہوں نے کہا کہ 'حضرت ابراہیمؑ کے ان قربانیوں سے ہمیں یہ درس ملتا ہے کہ ہمیں اللہ پر پورا یقین رکھنا چاہیے اور مشکل حالات میں صبر کرنا چاہیے۔ انہوں نے کہا کہ 'انشاءاللہ 21 جولائی کو عید الاضحی ہوگی۔'

ارشد دکھنی نے لوگوں سے اپیل کی کہ 21، 22 اور 23 تاریخ تک قربانی کا عمل جاری رہے گا اور ان تین دنوں تک اپنے اطراف صاف صفائی کا خاص خیال رکھیں۔'

انہوں نے کہا کہ 'ہمارے کسی بھی عمل سے برادران وطن کو کوئی تکلیف نہ ہو اس بات کا خیال رکھتے ہوئے عید منائیں۔

ارشد دکھنی نے محکمہ بلدیہ کے ذمہ داران سے اپیل کرتے ہوئے کہا کہ 'قربانی کے تین یوم تک خاص کر مسلم محلہ جات میں ٹریکٹرز فراہم کرتے ہوئے قربانی کے جانوروں کے ناقابل استعمال اعضاء کو اکھٹا کرنے اور انہیں شہر سے باہر دفنانے کے اقدامات کیے جائیں۔'