یادگیر میں کورونا سے ایک اور موت

ریاست کرناٹک کے ضلع یادگیر میں گزشتہ روز ایک اور شخص کی کورونا سے موت ہونے کے بعد ضلع میں اب تک کل 13 لوگوں کی موت واقع ہو چکی ہے۔

ضلع یادگیر میں کورونا وائرس سے متاثر ہونے والے لوگوں کی تعداد میں اضافہ ہو رہا ہے۔ ضلع میں کورونا متاثرین کے نئے 37 معاملات سامنے آئے ہیں۔ اب ضلع یادگیر میں مجموعی طور پر 2700 کورونا متاثرین کی تصدیق ہوئی ہے۔

جبکہ 25 کورونا متاثرین صحتیاب ہو کر اسپتال سے ڈسچارج ہوئے ہیں۔ اس طرح کورونا وائرس سے صحتیاب ہو کر ڈسچارج ہونے والوں کی تعداد 1992 ہوئی ہے۔

کورونا وائرس سے کل ہوئی ایک اور موت کو ملا کر ضلع میں اب تک کل 13 اموات ہوچکی ہیں۔