بیدر: ریاست کرناٹک کے ضلع بیدر میں واقع انجمن خادم الحجاج کمیٹی نے عازمین حج کے لئے بیدر کی جامع مسجد میں معلوماتی جلسے کا اہتمام کرنے کا اعلان کیا ہے۔کمیٹی کے ذمہ داران کے مطالبے پر آل انڈیا حج کمیٹی نے اس سال بیدر اور اس کے اطراف کے اضلاع کے عازمین حج کی پریشاینوں کو مدنظر رکھتے ہوئے امیگریشن پائنٹ حیدرآباد کرنے کا اعلان کیا ہےیعنی بیدر کے عازمین حج کو اب کہیں دوسری جگہ جانے کی ضرورت نہیں ہے۔ بیدر اور اس کے اطراف کے اضلاع کے عازمین حج کو بنگلور کے بجائے پہلے کی طرح حیدرآباد سے ہی سفر حج کے لئے روانہ ہو سکتے ہیں۔
انجمن خادم الحجاج کمیٹی بیدر کے سیکریٹری سید منصور احمد قادری نے میڈیا سے بات کرتے ہوئے بتایا کہ عازمین حج 2023 کیلئے ایک انتہائی اہم معلوماتی و بیداری پروگرام کا انعقاد کیا جائے گا ۔19 مارچ بروز اتوار صبح دس بجے سے شام 5 بجے تک بمقام جامع مسجد بیدر میں اس پروگرام کا انعقاد کیا جائے گا۔ سید منصور احمد قادری نے کہاکہ ہمارے ادارے کی جانب سے عازمین حج کو تمام تر سہولیات فراہم کرنے کی کوشش کی گئی ہے۔ عازمین حج کے لئے فارم کی دستیابی سے لے کر آن لائن جمع کرنے کے کاموں کو انجام دیا گیا ہے اور یہ سلسلہ 20 مارچ تک جاری رہے گا۔