کرناٹک: ''آن لائن بھی محرم الحرام کی مجالس کا اہتمام''

ریاست کرناٹک کی شیعہ برادری کے معروف سماجی ادارہ انجمن امامیہ کی جانب سے محرم الحرام کی مقدس مجالس کے اہتمام کے لیے تیاریاں مکمل ہوچکی ہیں۔ مجالس کو آن لائن پلیٹ فارمز کے ذریعے لائیو کیا جارہا ہے۔

اس سلسلے میں بات کرتے ہوئے انجمن امامیہ کے صدر سید ضامن رضا نے بتایا کہ رواں برس بھی کورونا وبا کے دوران ریاست کے علی پور، نیل سندرہ وجا اور سن مارکیٹ علاقوں میں حسینی مجالس کا انعقاد احتیاطی تدابیر کے ساتھ عمل میں لایا جارہا ہے۔

anjuman e imamia

سید ضامن رضا نے بتایا کہ حکومت کی جانب سے دی گئی تمام ہدایات پر عمل درآمد کرتے ہوئے یاد حسین کی مجالس منعقد کی جائیں گی۔ انہوں نے بتایا کہ محدود افراد پر مشتمل ان مجالس کو آن لائن پلیٹ فارمز کے ذریعے لائیو کیا جارہا ہے تاکہ گھروں پر رہنے والے حضرات ان مجالس کو دیکھ کر ثواب حاصل کرسکیں۔

anjuman e imamia

anjuman e imamia

واضح رہے کہ گزشتہ برس کورونا وائرس اور لاک ڈاؤن کی وجہ سے محرم الحرام کی مجالس کو صرف آن لائن ہی منعقد کیا گیا تھا تاہم اب جب کہ کورونا کے مثبت کیسز اور اموات میں کمی آئی ہے اور حکومت کی جانب سے بھی مشروط نرمی دی گئی ہے جس کے سبب محرم الحرام کی مجالس کے انعقاد میں آسانیاں پیدا ہوئی ہیں۔