گلبرگہ: آل انڈیا مہیلا کانگریس فاؤنڈیشن ڈے منایا گیا

کرناٹک کے شہر گلبرگہ کے کانگریس آفس میں 37واں آل انڈیا مہیلا کانگریس فاونڈیشن ڈے منایا گیا۔ اس موقع پر رکن اسمبلی محترمہ کنیز فاطمہ کے ہاتھوں پرچم کشائی عمل میں آئی۔

ریاست کرناٹک کے شہر گلبرگہ کے کانگریس آفس میں آل انڈیا مہیلا کانگریس فاونڈیشن ڈے کے موقع پر آل انڈیا کانگریس کمیٹی (اے آئی سی سی) کی رکن محترمہ چندرکا پرمیش نے کہا کہ اندرا گاندھی نے ملک میں خواتین کو سیاسی، تعلیمی اور سماجی میدان میں آگے آنے کے لیے آل انڈیا مہیلا کانگریس فاونڈیشن ڈے منایا تھا۔ اس لیے ہر برس 15 ستمبر کو مہیلا فاونڈیشن ڈے منایا جاتا ہے۔

کانگریس پارٹی نے ملک میں خواتین کو مضبوط بنانے کے لیے ہر میدان میں خواتین کو حصہ لینے کا موقع فراہم کیا ہے۔

گلبرگہ میں آل انڈیا مہیلا کانگریس فاونڈیشن ڈے منایا گیا

آج خواتین ہر میدان میں دکھائی دے رہی ہیں۔ اس لیے سابق وزیر اعظم اندرا گاندھی کے اس پیغام کو عام کرنے کے لیے آج مہیلا کانگریس فاونڈیشن ڈے منایا جا رہا ہے۔